Torn & Rose i eventyrland

Teatret vårt

9. feb 2025 kl. 18:00

Eit fengslande, morosamt og actionfylt familieeventyr

Krise! Eventyrland har begynt å miste sin magi, og det er like før det blir snipp snapp snute for alle dei vidunderlege skapningane som bur i landet bortom stjernestøvet.

For å vekke opp att folk sin kjærleik for eventyr inviterer Torn og Rose publikum til omvising i Eventyrland for aller første gong!

Etterkommarane etter ein av Eventyrlands mest kjende dronningar har planlagt ein morosam og actionfylt dag i Torneroseslottet, men underlege ting begynner å skje. Saman med publikum må Torn og Rose kjempe sitt livs kamp for å redde Eventyrland.

På vegen støyter dei på gode feer, alvedronningar og magiske havskapningar - og kanskje til og med ein heilt levande drake?

Dei eldste teatertriksa i boka blir blanda med den aller nyaste teknologien for å gi publikum ei teateroppleving Europa aldri har sett maken til. Trur du ikkje på drakar og feer frå før, kjem du garantert til å gjere det når framsyninga er ferdig!

Pressen skriv:
Tekno-teater: Torn og Rose i en utvidet virkelighet. Det er utvilsomt en forestilling på barnas premisser, de er høykompetente på det visuelle, de kan sin gaming og er gode på å orientere seg visuelt. - Periskop.no

Ein veldig fin halvannan time med underhaldning for dei minste, og ikkje så reint få av dei vaksne. - Firda

Familieframsyninga er produsert av Teater Vestland, Nordland Teater og Teatret Vårt og kan opplevast i Møre og Romsdal våren 2025.

Torn & Rose har vunne følgjande:

• NPU-award 2023 (Norwegian Audience Research), Innovation category
• Nordic VR Awards, Vrinn Awards, XR Arts & Culture Award
• Nordic VR Awards, Vrinn Awards, Jury Award
• Laval Virtual, Consumer Experience and Entertainment Award
• XR Today, XR Awards 2024, Best XR Transformation Story

I tillegg er Torn & Rose no nominert til European XR Awards i katergorien Location Based Entertainment of the Year. Dette er Oscar-ekvivalenten I tech/XR-bransjen.

Ei oppleving for sansane

Grensa mellom verkelegheita og den simulerte verda blir mindre tydeleg når ein dykkar inn i ei anna verd visuelt, akustisk eller ved rørsle.

I Auka Røynd (Augmented Reality/AR) legg ein virtuell informasjon og objekt over den verkelege verda. Ein utvidar verkelegheita med digitale detaljar som bilde, tekst og animasjon, gjort tilgjengeleg gjennom AR-briller eller via skjermar, nettbrett og smarttelefonar. Publikum blir ikkje isolerte frå røyndommen, men samhandlar og ser kva som skjer framfor dei.

Døme på AR kan vere Pokémon GO-spelet, som simulerer digitale skapningar i den verkelege verda, og i Snapchat har du kanskje trylla fram hattar eller briller i ansiktet ditt? Det er bruk av Auka Røynd!

Premiere Nordland Teater 2024. Nypremiere Teatret Vårt 22. januar 2025

Varighet ca. 70 minutter

Passer for alle modige eventyrarar frå 6 til 100 år.

Dramatikar og regissør
Cecilie Grydeland Lundsholt

Scenograf og kostymedesignar
Birgitte Strid

Dramaturg
Kristian Lykkeslet Strømskag

Komponist
Johann Prell

Lysdesigner
Vegar Angel Andreassen

Videodesignar
David Lejard-Ruffet

Produsent
Anders Nybø

Prosjektledar Glitch Studios
Sami Hamid

Animatør
Cenk Koksal

AR-utviklarar
Onat Döker, Hasan Ulas Sarikaya

Teknisk rådgjevar, ARShows
Isaac Barel

Produksjonsrådgjevar, ARShows
Sasha Kreindlin

I rollane
Carina Furseth, Peder Lauvås og Johanna Mørck

Torn & Rose er ein samproduksjon mellom regionteatrane Teater Vestland, Nordland Teater og Teatret Vårt.